याे दुनियाँ क्षणभङ्गुरताकाे लय हाे, याे कथा क्षणभङ्गुरताकाे श्रीमद्भागवत हाे (कविता)- बिकेश कविन

याे दुनियाँकाे कुनै भराेसा छैन

याे शरीरकाे कुनै भराेसा छैन

याे सासकाे कुनै भराेसा छैन

च्यातिजानसक्छ कुनै क्षण पनि

खसिजानसक्छ कुनै समय पनि

मासिजानसक्छ कुनै पल पनि

न तिम्राे देहकाे भराेसा छ न छ भराेसा मेराे देहकाे

न तिम्राे दुनियाँ नित्य छ न छ मेराे दुनियाँ नित्य

न तिम्राे सास शाश्वत छ न मेराे सास शाश्वत छ

याे दुनियाँ माटाेकाे घर हाे, भत्किजानसक्छ अहिले नै

याे दुनियाँ पानीकाे बुंद हाे, फुटिजानसक्छ अहिले नै

याे दुनियाँ क्षणभङ्गुर नगरी हाे, जलिजानसक्छ अहिले नै

अहिले नै सासहरूकाे मलामी हिँड्नसक्छ

अहिले नै जीवनहरूकाे खरानी चुलिनसक्छ

अहिले नै रगतकाे नदी बग्नसक्छ

केवल ऊ नित्य छ

केवल उसकाे गाथा नित्य छ

केवल उसकाे यात्रा नित्य छ

(ऊ, जाे अाधार हाे कल्प-चक्रकाे) 

बाँकी हर चिज अनित्य छ

बाँकी हर जीवन अनित्य छ

बाँकी हर वेग अनित्य छ

याे सृष्टि खेल हाे निमेषकाे

निमेषभरमा कथा बदलिन्छ

निमेषभरमा कथा सकिन्छ

याे दुनियाँकाे कुनै भराेसा छैन

याे शरीरकाे कुनै भराेसा छैन

याे सासकाे कुनै भराेसा छैन 

याे दुनियाँ क्षणभङ्गुरताकाे लय हाे

याे शरीर क्षणभङ्गरताकाे अावरण हाे

याे सास क्षणभङ्गुरताकाे दाैड हाे 

लय अनि प्रलय

प्रलय अनि लय

लय-प्रलय......

प्रलय-लय......

याे कथा क्षणभङ्गुरताकाे श्रीमद्भागवत हाे । 

© बिकेश कविन